Goðsögnin um harða rúmið

Veistu af hverju fólk segir að betra sé að sofa í hörðu rúmi? Áður fyrr voru dýnur framleiddar úr efnum sem þjöppuðust saman. Þetta olli því að dýnur byrjuðu að síga í miðjunni og fólk neyddist til að sofa eins og það væri í hengirúmi. Því kemur ekki á óvart að fólk hafi kvartað undan bak- og hálsverkjum og var sagt að setja viðarplötu undir dýnuna sem stuðning. Þannig varð goðsögnin um stífa rúmið til.

Flestir hafa því ranghugmyndir um dýnur og halda að stíf dýna veiti stuðning. Þegar rúmið er of stíft neyðist líkaminn til að laga sig að aðstæðum, þegar rúmið ætti frekar að laga sig að líkamanum. Stíft rúm býr til þrýstipunkta sem geta hindrað blóðflæði og nánast ómögulegt er að hafa hrygginn í réttri stöðu.

Axlirnar og mjaðmirnar ná ekki að þrýstast niður á of stífri dýnu. Þar af leiðandi vinnur dýnan gegn líkamanum og veldur því að axlirnar og mjaðmirnar færast inn á við og þvinga hrygginn í óeðlilega stöðu. Af þessu getur hlotist afar mikill þrýstingur, sér í lagi á mjóbakið þar sem hryggurinn tengist við mjaðmagrindina.

Of mjúk dýna veitir hins vegar ekki fullnægjandi stuðning. Líkaminn sígur niður sem veldur því að axlirnar og mjaðmirnar klemmast saman og sveigja upp á hrygginn. Á sama hátt og stíf rúm setur þessi stelling þrýsting á mjóbakið og veldur því að vöðvarnir eru spenntir alla nóttina við að verja hrygginn.

Hið rómaða DUX-rúm frá Svíþjóð. Markmið allra DUX-rúma er að halda hryggnum í réttri stöðu, lina bakverki og dreifa þyngdinni jafnt til að auka blóðflæðið. Hver íhlutur rúmanna er hannaður til að veita rétta líkamsstöðu við svefn. Slík líkamsstaða er eingöngu möguleg þegar rúmið lagar sig eftir og styður við allan líkamann. Á þann hátt hvílist hryggurinn í eðlilegri stöðu, eða nokkurn veginn hornrétt miðað við mjaðmir og axlir. Eina leiðin til að taka alla spennu af bakinu er að veita hryggnum stuðning í þessari stöðu.

Enginn líkami er eins og því býður DUX-rúmið upp á fjölda sérstillinga á stuðningi við axlir, bak og fætur, allt miðað við líkamsgerð, þarfir og óskir hvers og eins. Því geta tvær manneskjur með mjög ólíka líkamsgerð deilt með sér rúmi og sérstillt sína hlið. Einnig er hægt að stilla rúmið eftir þörfum hverju sinni, t.d. vegna þungunar, áverka eða aldurs.

DUX-rúmið veitir þér þægindi án frekari málamiðlana.