Verkir fyrir miðju baki og linun þeirra
Efri hluti baksins kallast brjósthryggurinn (efra bakið) og verkir geta komið fram af ýmsum sökum. Yfirleitt stafa verkir fyrir miðju baki ekki af alvarlegum mænuskaða. Bakverkir geta hins vegar stafað af fjölda daglegra athafna eða alvarlegri sjúkdómum og kvillum. Hér að neðan er fjallað um nokkrar algengar orsakir, áhættuþætti og meðhöndlun á bakverkjum.
Hvað veldur verkjum í miðju baki?
Meiðsli
Við reynum öll að forðast meiðsli en þau eru samt sem áður algengasta orsök verkja fyrir miðju baki. Slík meiðsli eru m.a. brjósklos, tognanir eða brot af alvarlegri toga. Hryggurinn er sterkbyggður og styður vel við efri hluta líkamans og innyflin. Þegar þú færð verki í mitt bakið stafar slíkt líklega af líkamlegum eða ytri áverkum á þetta baksvæði.
Sjúkdómar eða kvillar
Verkir fyrir miðju baki kunna einnig að stafa af ólíkum sjúkdómum eða kvillum. Vel þekkt er að slitgigt eða liðahrörnun veldur óþægindum á þessu svæði líkamans. Verkir fyrir miðju baki geta einnig verið einkenni um gallblöðrukvilla og jafnvel hjartaáfall (konur finna frekar fyrir slíkum einkennum). Þú ættir umsvifalaust að leita læknishjálpar ef þú finnur fyrir skyndilegum verkjum fyrir miðju baki sem standa yfir lengur en í nokkrar mínútur.
Léleg líkamsstaða
Situr þú alla daga álút(ur) yfir tölvunni og rýnir í smáatriði á skjánum? Eða sefur þú í óþægilegum stellingum, byltir þér og snýrð þér og reynir að koma þér þægilega fyrir? Léleg líkamsstaða á daginn eða nóttunni getur valdið verkjum fyrir miðju baki sem er erfitt að losna við án þess að breyta venjum og umhverfi á einhvern hátt.
Hverjir eru í áhættuhópi fyrir verkjum í miðju baki?
Næstum því allir geta fengið verki í mitt bakið. Slíkir bakverkir koma ekki endilega fram við ástand sem setur álag á mjóbakið, eins og t.d. við þungun, því eins og á við um alla bakverki verða verkir fyrir miðju baki algengari eftir því sem fólk eldist.
Hvernig eru verkir fyrir miðju baki meðhöndlaðir?
1. Linun verkja
Prófaðu að nota heita eða kalda bakstra ef verkirnir fyrir miðju baki reynast hvorki alvarlegir eða langvinnir. Hitapúðar lina stífleika og eymsli og kælipokar draga úr bólgu. Þú getur einnig tekið verkjalyf sem eru fáanleg án lyfseðils (gættu þess að fylgja leiðbeiningunum sem koma fram á pakkningunum). Leita verður til læknis ef verkir eru viðvarandi.
2. Greining á undirliggjandi orsök
Læknir eða hnykklæknir getur aðstoðað þig og greint hvað veldur verkjum fyrir miðju baki. Læknir kann að vísa þér til sérfræðings sem getur greint eða a.m.k. útilokað almennar orsakir verkja fyrir miðju baki. Þegar þú hefur fengið endanlega greiningu hjá lækni færðu meðferðaráætlun til að halda verkjunum í skefjum.
3. Sjúkraþjálfun
Sjúkraþjálfari getur kennt þér æfingar til að styrkja máttlitla bakvöðva og koma í veg fyrir meiðsli eða streitu vegna of mikils álags.
4. Fjarlægðu allt sem hindrar góða líkamsstöðu
Húsgögn sem þú eyðir mestum tíma í ættu að styðja eins vel við líkamann og hugsast getur. Fjárfestu í góðum stól í vinnunni og breyttu uppsetningu vinnuborðsins og tölvunnar og finndu uppsetningu sem tryggir góða líkamsstöðu. Ef þú sekkur ofan í gamla sófann með hökuna nánast ofan í brjóstkassann er kominn tími til að kaupa nýjan. Þegar þú vaknar með eymsli og verki fyrir miðju baki er komin tími á að leita að nýju rúmi.
Jafnvel í tilvikum þar sem liðahrörnun eða slitgigt veldur verkjum fyrir miðju baki, getur rúm með betri stuðningi dregið úr þrýstingi á hrygginn, gert vöðvunum kleift að slaka á, stuðlað að auknu blóðflæði og veitt þér hvíldina sem þú þarft á að halda. DUX-rúmið veitir bakinu stuðning án þrýstings alla nóttina, allar nætur ársins. DUXIANA-rúm aðstoðar við að lina verk fyrir miðju baki og má nýta sem aukavalkost við úrræði sem læknir kann að mæla með til meðferðar á undirliggjandi vandamálum.
