Verkir í efra baki og linun þeirra
Verkir í efra baki geta hindrað þig við að sinna áhugamálunum. Ekki láta verki í efra baki hafa neikvæð áhrif á líf þitt. Þú ættir að komast að undirliggjandi orsökum verkjanna og taka á þeim til að lifa lífinu til fullnustu. Hér á eftir er listi yfir algengar orsakir verkja í efra baki og nokkrar leiðir til að meðhöndla slíka verki.
Hvað veldur verkjum í efra baki?
Vandamál í liðum eða brjóski
Verkir í efra baki geta stafað af meiðslum eða hrörnun eins og brjósklosi, sprungumyndun í brjóski eða slitgigt. Einnig geta liðamótin sem tengja rifbeinin við hrygginn orðið fyrir ertingu eða áverkum. Læknir getur aðstoðað þig við að greina hvort vandamál í liðamótum og brjóski valdi verkjum í efra baki.
Vöðvaerting
Stórir vöðvahópar í efra bakinu tengja herðablöðin, brjóstkassann og fleiri svæði saman. Hjá mörgum koma eymsli fram í slíkum vöðvahópum og athafnir af ólíkum toga geta auðveldlega valdið áverkum eða yfirálagi á slíka vöðva. Jafnvel þó þú stundir ekki mikla líkamsrækt sem hefur áhrif á efra bakið, kann mikil spenna að myndast á axlarsvæðinu sem getur valdið verkjum í efra baki. Léleg líkamsstaða getur valdið ertingu í bakvöðvum, eins og að sitja álútur við skrifborð eða sofa í rúmi með engan stuðning eða nota kodda sem eru of harðir eða of mjúkir.
Hvaða einstaklingar eru í áhættuhópi vegna verkja í efra baki?
Allir geta fengið verki í efri hluta baksins en íþróttafólk á í örlítilli meiri hættu á að fá verki í efra bak og axlir. Axlarmeiðsli verða yfirleitt í liðamótum milli axlanna og handleggjanna. Einnig er hægt að snúa upp á, togna eða setja yfirálag á stóra vöðvahópa í efri hluta baksins þegar lögð er stund á erfiðar æfingar eins og róður, knattspyrnu, glímu og fleira.
Hvernig eru verkir í efra baki meðhöndlaðir?
Nudd eða heit/köld meðhöndlun
Gott nudd getur veitt mikla linun ef verkirnir í efra baki eru tiltölulega vægir. Prófaðu einnig að nota hitapúða og/eða kælipoka (afar gagnlegt er að nota heitt og kalt til skiptis) til að lina ertingu og bólgur í vöðvum. Verkjalyf sem fást án lyfsseðils koma einnig að gagni. Áðurnefndar aðferðir leysa hugsanlega ekki undirliggjandi vandamál sem valda verkjum í efra baki.
Sjúkraþjálfun og/eða skurðaðgerð
Læknirinn kann að mæla með skurðaðgerð og síðan sjúkraþjálfun í kjölfarið eða eingöngu sjúkraþjálfun ef þú þjáist af tilteknum kvilla, meiðslum eða sjúkdómi sem veldur verkjum í efra baki. Sjúkraþjálfarar geta aðstoðað þig við að styrkja efri hluta baksins til að vinna gegn meiðslum og hrörnun liðamóta eða brjósks.
Losað um spennu og skipt um húsgögn sem veita ófullnægjandi stuðning
Þegar þú upplifir mikla streitu t.d. í vinnu eða heima við, verður þú að komast að kjarna vandamálsins. Meta verður hvort að nýtt starf eða ný staða innan fyrirtækisins gæti bætt jafnvægið á milli vinnu og heimilislífs eða skapað nægilegan tíma fyrir sjálfsrækt. Flestir fá spennu í efri hluta baksins, fyrir neðan hálslínuna og á milli herðablaðanna. Þegar dregur úr streitu í bakinu losnar um spennu bæði líkamlega og andlega. Slíkt eykur bæði afköst í starfi og ánægju í frítíma.
Verkir í efra baki geta versnað ef skrifborð, stólar eða önnur húsgögn á heimilinu eru sett upp á rangan hátt. Ef þú átt erfitt með að festa svefn eða vaknar með verki í efra baki er slíkt líklega rúminu að kenna. Þú eyðir u.þ.b. þriðjungi ævinnar í rúminu. Því áttu það skilið að kanna málið og fjárfesta í dýnu sem styður við líkamann og hrygginn í náttúrulegri og afslappaðri stellingu til að fá djúpan og endurnærandi svefn.
DUX-rúmið er hannað til að lina bakverk af hvaða toga og hvaða gerð sem er, þ.m.t. verki í efra baki. Ef þú ert með verki í efra baki skaltu skoða DUX-koddana og einnig nýstárlega DUX Xleep koddann með gormum. DUX-koddar og -dýnur veita samfelldan stuðning og geta hjálpað þér að fá hvíldina sem þú þarft til að vakna endurnærð(ur). Jafnvel þegar verkir í efra baki stafa af langvinnum sjúkdómi veitir DUX-rúmið bakinu stuðning án þess að setja þrýsting á það og kann að lina bakverkina og tryggja þér betri svefngæði. DUX-rúmið fæst í verslunum um allan heim.
